म जन्मिएको मेरो थलोअली अली गर्दै हराउँदै छ
पोल हरायो, साँध हरायो
अब आफैँ हराउने तैयारीमा छ
गण्डकी हरायो, कोशी हरायो
अब मेरो गाउँ हराउने तयारिमा छ ।
गाउँको मुखिया सिनो ढुकुवा
कुकूर ति जन्मैले हड्डी लुछुवा
कहिले यता, कहिले उता
र्याल चुहाउँदै कुइँ कुइँ गर्दै
बिदेशी रछानहरुमा
लाज पचुवा आत्मा बेचुवा
तलुवा चाटनै ब्यस्त छन ।
हेर न साथी मेरो गाउँ माथी
दुष्टले आँखा लगाइ गो
कानुनी किताब च्यात्तिएछ क्यार !
ह्त्यारा कै जय जयकार भो
महाभारतको द्रोपती को पिडा
मेरो गाउँ भोगी रहेछ
आफ्नैहरुको धोकामा परी चिरहरण
उसको भइरहेको छ
पोल हरायो, साँध हरायो
अब उ आफै हराउने तैयारिमा छ ।
कोही क्रिष्ण बनी बचाइदेउ साथी
मेरो सुस्ता रोइरहेको छ
गण्डकी हरायो, कोशी हरायो
अब मेरो देश हराउने तैयारिमा छ
0 comments:
Post a Comment